Фудбалерите на Барселона продолжија со одлични резултати сезонава во Примера, а Мајорка синоќа „падна“ на гости со резултат 0:1.
Непоразената Барселона стигна до шестиот триумф во седум натпревари, но денеска не беше лесно во Мајорка. Роберт Левандовски повторно беше херој.
Фантастичниот Полјак повторно покажа за каков мајстор се работи. Во 20. минута погоди по одличен продор по левата страна, се намести на десната нога и потоа упати прекрасен удар во далечниот агол од голот на Мајорка.
Никој во тој момент не очекуваше дека тоа ќе биде конечниот резултат на играта, но тоа се случи.
Имаше шанси на двете страни, а Хауме Коста промаши одлична во 35-та за домашните, чиј удар го одбрани Марк-Андре тер Штеген.
Во продолжение Ведат Муриќи можеше да постигне гол, но со глава изведе над голот и потоа „влезе“ Барселона.
Франк Кесие можеше да ги реши работите во 61. минута, но шутираше само покрај стативата. Добра шанса на крајот пропушти и Жорди Алба, но на крајот за Барселона е важно што освои три важни бода.
Сега Каталонците се на првото место на табелата со бод повеќе од Реал, но и натпревар повеќе.
