На кошаркарите на Денвер Нагетс не им помогна ниту маестралната партија на Никола Јокиќ да го избегнат третиот последователен пораз од Голден Стејт Вориорс на домашен терен со резултат 118:113, а сега предноста на овој тим во осминафиналето е 3:0.
Првиот дел од натпреварот се одвиваше во исклучително ефикасна игра на двете страни, а по првите 12 минути резултатот беше 34:32 за Голден Стејт. До полувремето, двата тима одржуваа добри перформанси во нападот, а Голден Стејт дополнително ја подобри својата одбрана и имаше водство од 69:59 на полувреме.
Сепак, со одлична игра во третиот период Денвер дојде до пресврт и водство, а во исклучително интересно финале повеќе среќа, концентрација и знаење имаа гостинските кошаркари кои успеаја да стигнат до третата последователна победа и се на само една победа од четвртфиналето.
До нова победа ги предводеа Кари и Пул кои постигнаа по 27 поени, додека незапирливиот Никола Јокиќ не успеа да му помогне на Денвер да избегне пораз и на крајот неговите 37 поени и 18 скока не беа доволни за победа.
Мемфис дојде до втората победа против Минесота, овојпат на гости со 104:95, а до победата ги предводеше Бејн, кој постигна 26 поени.
Тимот на Далас без Лука Дончиќ ја победи Јута на гости со резултат 126:118 и моментално Маверикс имаат водство од 2:1 во оваа серија.
