Николас Кејџ не бил платен за неговиот оскаровски филм „Leaving Las Vegas“, откри режисерот Мајк Фигис.
Филмот беше објавен во 1995 година и беше заснован на истоимениот роман на Џон О'Брајан од 1990. Во филмот глумеа и Елизабет Шу и Џулијан Сендс.
Ова е приказна за холивудскиот сценарист Бен Сандерсон (Николас Кејџ), кој губи сè поради алкохолизам. Решава да оди во Лас Вегас и да се напие до смрт. Попатно запознава проститутка која ќе му го смени животот.
Кејџ доби Оскар и Златен глобус за најдобар актер за оваа улога, а Фигис беше номиниран за најдобар режисер. И покрај големиот успех, двајцата не успеаја да заработат ништо.
Во интервју за Hollywood Reporter, режисерот изјавил дека буџетот на филмот бил четири милиони долари. Сепак, тој нема наегативни чувства кон продуцентската куќа. Смета дека процесот на снимање бил толку прекрасен што би го направил сето тоа повторно.
