Фудбалерите на Барселона загубија синоќа во финалето на шпанскиот Суперкуп од баскиски Атлетик со резултат 3:2, а еден од најлошите играчи на каталонскиот тим беше Лионел Меси.
Капитенот на Барселона беше исклучително лош, а откако неговиот тим го испушти водството со резултат 1:0 и 2:1, Меси стана видно нервозен.
Фудбалерите на Атлетик имаа предност од 3:2 на крајот од натпреварот, а потоа Меси направи неверојатна глупост.
За време на еден од последните напади во мечот, Меси му ја додаде топката на Џорди Алба и ја започна трката кон казнениот простор на баскискиот тим.
Но, Асиер Виљалибре го турна со рамото, поради што на Меси „му се стемни пред очи“, и го удри напаѓачот на Атлетик од позади по глава и го нокаутираше.
Судијата Хесус Гил Мансано остави акцијата да продолжи, а откако натпреварот беше прекинат, тој реши да го погледне видеото од спорната ситуација и да му покаже директен црвен картон на Меси.
Ова беше само трет црвен картон за Меси во неговата кариера и прв во дресот на Барселона.
Првпат беше исклучен во дресот на Аргентина во 2005 година, а вториот пат во 2019 година.