Новиот закон на норвешкото Министерство за деца и семејни работи бара од инфлуенсерите и огласувачите да нагласат кои фотографии објавени на социјалните мрежи се ретуширани. На тој начин Владата ќе се обиде да ги потисне нереалните идеали за убавината.
Законот беше усвоен на почетокот на овој месец. Фотографиите на кои е променета големината на некои делови од телото или структурата на кожата на моделите, треба да содржат ознака дизајнирана од Министерството за деца и семејни работи. Така, ова значи дека намалувањето на половината, зголемувањето на усните или дошминкувањето се непожелни.
Ова ќе влијае само на фотографиите што се користат за промотивни цели. Сепак, законот вклучува и фотографии што ги споделуваат познати личности, односно инфлуенсери на платформи како што се Instagram, TikTok, Facebook, Snapchat и Twitter. Со други зборови, погодени се оние објави од кои инфлуенсерите заработуваат.
Ова не е прв пат да се преземат мерки против нереалните идеали за убавина. Getty Images отстрани ретуширани фотографии од својата база на податоци. Во 2017 година, Франција воведе закон со кој се забранува модните списанија да го објавуваат споменатиот вид фотографии.
„Овој закон е една од мерките против лажната убавина. Се надеваме дека ќе дадеме значителен придонес во борбата против негативното влијание што го има рекламирањето врз сите луѓе, особено врз децата и младите“, соопшти Министерството.
