Ѕвездата на социјалните мрежи и актерка Лорен Жиралдо започна нов TikTok предизвик 12/3/30.
Станува збор за е едноставен тренинг на лента за трчање кој наводно ветува сериозни резултати. Хаштагот #12330 веќе има над 70 милиони прегледи во апликацијата, додека хаштагот #12330 challenge има над 18 милиони.
Предизвикот има само три правила или чекори и може да направи револуција во фитнес рутината на речиси секој човек. Многумина тврдат дека ги мотивира редовно да вежбаат. Наводно согорува стотици калории за помалку од еден час, а на некои им помогна да го изгубат вишокот килограми. Со илјадници објавени видеа, доказите се непобитни. Дали методот е навистина толку ефикасен? Свое мислење дадоа двајца лични тренери за женско здравје.
@gigi.fierro Reply to @vickiswed AND THIS WAS JUST FOR ONE WEEK! #transformation #weightlosstransformation #weightlossmotivation #12330challenge #12330 ♬ Bad Girls - M.I.A.
Како функционира методот 12/3/30?
Чекорите се едноставни. Прво, поставете го наклонот на лентата за трчање на 12 и поставете ја брзината на 3 милји на час или 4,8 километри на час. Потоа пешачете 30 минути. Корисниците предлагаат да го прават тоа пет дена во неделата.
Тренерот Хејли Гот вели дека методот е одличен за долниот дел од телото, како и за кардиоваскуларното здравје, додека тренерот Гејл Мекги тврди дека го поддржува имунолошкиот систем и промовира подобар сон.
@laurengiraldo the most important thing is waking up and feeling good about yourself 🥺 #12330 ♬ deja vu - Olivia Rodrigo
„Можеби ќе ви помогне да изгубите тежина, но веројатно варира од личност до личност. Срцевиот ритам на секого е различен, и важно е кога се обидувате да изгубите маснотии. Мислам дека може да биде ефикасно ако стане дел од неделната рутина“, рече Гот.
Сепак, тренингот не е за секого. Важно е да се знае дека наклонот може да предизвика повреди кај луѓе кои имаат проблеми со колковите, колената или глуждовите. Исто така, важно е да се грижите за држењето на телото.
„Мислам дека нема никаква штета од правењето на оваа вежба, но е монотона и бавна. Одлично е ако некого ќе мотивира да се движи, но важно е да почнете да ја правите постепено“, заклучува Мекги.