Трилатералното безбедносно партнерство, наречено АУКУС, официјално постои од денес, откако лидерите на САД, Велика Британија и Австралија одржаа заедничка конференција преку видеоврска, и овој договор предвидува Австралија да добие подморница со нуклеарен погон. Тоа предизвика силна политичка реакција во Австралија, Велика Британија, но и во Франција, чиј постоечки договор од 90 милијарди долари со Австралија одеднаш беше раскинат.
Иако ниту еден од лидерите на трилатералниот сојуз не ја спомена Кина, многумина сметаат дека пактот е одговор на „експанзионизмот и агресијата на Пекинг“ во Јужното Кинеско Море и кон Тајван.
На настанот присуствуваше и претседателот на САД Џо Бајден.
Она што стана хит и нов гаф на Бајден е кога требаше да им се заблагодари на премиерите, па така на Борис Џонсон му кажа „ти благодарам Борис“, па се сврте кон австралискиот премиер Скот Морисон и му рече „му се заблагодарувам и на тој човекот одоздола, многу ти благодарам, пријателе“ (Down Under – како што колоквијално се нарекува Австралија).
Погледнете го видеото:
