Cupra најавува нова верзија на електричниот модел Born. Под позвучното име Born VZ, оваа верзија развива 326 коњски сили и може да помине до 570 километри со едно полнење на малку надградена батерија.
Како прв модел на шпанската марка со нула емисии, Cupra Born беше лансирана во 2021 година. Иако минатата година, поради помалата побарувачка, имаше прекин на производството во германските фабрики каде се склопува овој клон на Volkswagen ID.3, Born лани постигна добар продажен резултат со оглед на испорачените 45.300 примероци. Ова е значителен раст од речиси 45% во однос на 2022 година.
Сега, три години по своето деби, Cupra најавува нова и малку подобрена верзија на Born. Станува збор за верзија на Born VZ, која е опремена со бандажи од 20 инчи, потоа Dark Chrome детали, а палетата на бои на надворешноста вклучува две нијанси: Dark Forest и Midnight Black.
Во внатрешноста Cupra обезбеди спортски седишта, кои беа донирани од моделите Formentor VZ5 и Leon VZ, тапацир од еколошки материјали и централен дисплеј со дијагонала од 12,9 инчи за мултимедијалниот систем. Аудио системот Sennheiser со 10 звучници и моќност од 425 W е на листата на опции.
Новата Cupra Born VZ нуди моќност на електромотор од 326 КС и 545 Nm вртежен момент, што е доволно за спринт до 100 км/ч за 5,7 секунди и максимална брзина од 200 км/ч. Најважната точка на подобрување е батеријата. Наместо 77 kWh, Born VZ нуди батерија со малку поголем капацитет од 79 kWh (+2 kWh). Проценетата автономија е 570 километри, а полнењето може да се врши и на брзи полначи до 170 kW.
Листата на технички подобрувања вклучува ревидирано управување, подобар систем за сопирање и спортска суспензија. Новата Cupra Born VZ ќе дебитира на пазарот во третиот квартал од оваа година.
