Тотенхем синоќа по поразот од Челси (1:4) ја загуби лидерската позиција во Премиер лигата. Дербито Тотенхем го заврши со двајца играчи помалку, што значи дека дуелот против Вулверхемтон ќе го пропуштат Кристиан Ромеро и Дестини Удоги.
Но, ова се само дел од лошите вести за менаџерот Енџ Постекоглу. Натпреварот со Челси поради повреди не го завршија дефанзивецот Мики ван де Вен и мозокот на екипата Џејмс Медисон.
Ван де Вен сигурно нема да биде во тимот, додека мала е веројатноста Медисон да биде подготвен.
Исто така, денеска напаѓачот Ришарлисон потврди дека ќе мора да оди на операција.
„Претходните неколку месеци не ми беа лесни, имав здравствени проблеми. Откако разговарав со лекарите, решив да одам на операција. Мислам дека е време за одмор“, изјави Ришарлисон. Бразилецот ќе биде надвор од терените неколку месеци.
Тотенхем во сабота од 13 часот и 30 минути гостува кај Вулверхемптон.