Во време кога бројни компании работат на летечки автомобили или такси, дизајнот на новиот тип eVTOL летало на американската компанија Kelekona отиде чекор подалеку.
Станува збор за дизајн на првиот летечки автобус дрон кој би требало да биде претставен во 2024 година на 30-минутната рута меѓу Менхетен и Хамптон. Билетот ќе чини 85 долари.
Големиот електричен дрон со вертикално полетување и слетување е наречен следниот летечки автобус. Ќе може да превезува 40 патници или товар од 5 тони, што е значајна разлика од летечките такси возила кои ќе можат да превезуваат по неколку патници.
За да биде возможно тоа, потребен е силен батериски пакет, а Kalekona тврди дека е на добар пат да го реализира тоа.
„Тоа што всушност ние го создаваме е една голема летечка батерија“, изјави Брејден Келекона, основач на компанијата, додавајќи дека дронот го градат околу батеријата. „Ние првин почнуваме од батеријата, па ги додаваме другите работи“, објасни тој.
Анимацијата на летот на летечкиот автобус може да ја погледнете во видеото:
