Вил Смит изгуби 14 килограми како дел од подготовка за улога на бивш роб што го глуми во новиот филм „Emancipation“.
Во текот на изминативе месеци актерот постојано објавува фотографии од неговото фитнес патување, наменето за физичка трансформација со цел то подобро да ја долови улогата на поранешниот роб Питер Смит.
Кога почнал со редовно вежбање имал 102 килограми, а за потребите на филмот достигна тежина од 88 килограми.
Во разговор за Red Tabel Talk објасни дека губењето на тежината му било многу важно за да може автентично да ја долови улогата на поранешен роб, но и за да ги постигне целите што самиот си ги поставил.
Ова е првата улога за Смит откако го видовме во филмот „King Richard“, каде ја толкуваше улогата на татко на Венус и Серена Вилијамс. За тој филм освои Оскар за најдобар актер. Сето тоа мина во сенка поради оскаровската шлаканица што му ја зададе на Крис Рок откако водителот се пошегува на сметка на неговата сопруга.