Скопје, 29 мај 2020 (МИА) – Педесет и две лица се заразени со COVID-19 во изминатите 24 часа во земјава, потврди за МИА директорот на Институтот за јавно здравје Шабан Мемети.
За во 13:30 часот е закажана прес-конференција на министерот за здравство Венко Филипче на која се очекуваат детали околу состојбата со вирусот.
Според веста што ја објави порталот A1on.mk, Зибери рекол дека 26 од новозаболените се од Скопје, од населбите Чаир, Бутел, Сарај, а повеќето нови пациенти се заразени преку семејни средби и собири.
