Два и пол месеци откако беше одложено, за денеска е закажано ново рочиште во случајот „Тврдина 2“, во кој првообвинет е бегалецот на СЈО, Горан Грујовски. На минатото рочиште адвокатите на одбраната, Љупчо Шврговски и Миле Петровски, како новоназначени бранители, побараа повеќе време за подготовка на одбраната. Судијката Лидија Петровска тогаш изјави дека Судот нема добиено доказ за уредна достава на поканите.
Во случајот „Тврдина 2“ првообвинет е екс-началникот на Петтата управа на УБК, Горан Грујовски, и шест службенички од УБК. Тие веќе се изјаснија дека не се чувствуваат виновни. Грујовски пред судијката Лидија Петровска рече дека со „индигнација го одбива обвинението“.Обвинетите во случајот „Тврдина 2“ се товарат за фалсификување службена исправа и за уништување службена документација поврзано со незаконското прислушување. Документацијата е поврзана со двата система од нелегалното прислушување, кои соред СЈО, биле уништени во текот на 2014 година.
