Словачката Социјалдемократска партија (СМЕР) нема да поддржи понатамошна воена помош за Украина, изјави нејзиниот лидер Роберт Фицо за новинарите.
Неговата партија го презеде водството на парламентарните избори одржани за време на викендот и сега е подготвена да започне разговори за формирање влада.
„Словачка и народот на Словачка имаат поголеми проблеми од Украина“, рече тој на прес-конференција по објавувањето на изборните резултати. СМЕР освои околу 23% од гласовите, додека нејзиниот најблизок конкурент, Прогресивна Словачка (ПС) на Михал Шимечка, околу 18%. Речиси 15% освои новата партија Хлас на Петер Пелегрини, кој во периодот 2018-2020 беше премиер од СМЕР.
На прашањето за ставот на неговата партија за помошта за Киев, Фицо рече дека ако неговата партија успешно формира влада, сепак ќе биде подготвена да помогне, но само на хуманитарен начин.
„Ние сме подготвени да помогнеме во обновата на земјата, но вие го знаете нашето мислење за вооружување на Украина“, рече тој.
Левичарот Фицо претходно во два наврата беше премиер на Словачка, од 2006 до 2010 и од 2012 до 2018 година. Тој е силен поддржувач на полската и унгарската антиимигрантска политика.