Објавени се номинациите за наградата Златна малина за најлошо филмско остварување, а оваа година најмногу номинации имаат полскиот еротски филм „365 Dаys“ и „Dolittle“.
Доделувањето на Златните малини е пародија на доделувањето на Оскар, а годинашната церемонија ќе се одржи на 25 април.
Некои од актерите кои се номинирани се Кејт Хадсон, Ен Хатавеј, Глен Клоуз, Кејти Холмс и Адам Сендлер.
Меѓу номинираните филмови се „365 Days“, „Dolittle“, „Absolute Proof“, „Fantasy Island“ и „Music“.
Филмот „365 Days“ се стекна со голема популарност и стана еден од најгледаните филмови на Netflix. Меѓутоа, и покрај огромната популарност филмот доби голем број негативни критики поради сцените со сексуално насилство.
На IMDb е оценет со 3,2 од 10, па затоа е и номиниран во 6 категории.
Ен Хатавеј е номинирана за најлоша актерка во филмовите „The Last Thing He Wanted“ и „The Witches“.
Читајте наредно: Првпат по 37 години: Актерка номинирана и за Оскар, и за Златна малина за истата улога