Поларните мечки, како најголем постоечки вид мечки, како и најголеми копнени месојади, се навистина волшебни суштества.
Сепак, повеќето од нас се навикнати да ги гледаат опкружени со снег на замрзнатите води на Арктикот. Токму затоа бевме изненадени кога дознавме дека рускиот фотограф Дмитриј Кох успеал да ги фотографира овие големи животни во напуштена метеоролошка станица на островот Коључин во Чукотско Море.
Станицата е изградена во 1934 година, па затворена во 1992 година. Сосема е невообичаено да се видат поларни мечки како шетаат во нешто што се чини како постапокалиптична човечка земја.
„Отсекогаш сакав да направам убави снимки од поларни мечки и тоа беше главната цел на нашата експедиција. Очекувавме да ги сретнеме најмногу на островот Врангел, познат ширум светот по тоа што е дом на многу мечки. Не оваа година, како што дознавме подоцна - можеби поради многу студеното лето. Но, природата секогаш ви испраќа нешто кога најмалку го очекувате - кога поминавме покрај островот Коључин во близина на северниот брег на Чукоткско Море, видовме некое движење зад напуштените прозорци таму. И кога се приближивме - тоа беа мечки! Никогаш порано не биле видени во тие згради, така што тоа беше ситуација што се случува еднаш во животот“, изјави фотографот за Bored Panda.
„Конечно се враќаме од долгоочекуваното патување до островот Врангел. Бидејќи е најоддалечениот и најисточниот дел на рускиот Арктик, ова место е многу тешко да се стигне, но и тешко е да се заборави. Патувавме со едреник долж брегот и поминавме повеќе од 1.200 милји недопрени пејзажи, села изгубени во времето, разновидна фауна и мориња полни со живот“, напиша Дмитриј на својот Instagram.
Тој исто така ги „фатил“ поларните мечки и во нивното вообичаено живеалиште:
