Регулаторната комисија за енергетика, водни услуги и услуги за управување со комунален отпад на Република Северна Македонија (РКЕ) донесе одлука со која се врши намалување на малопродажните цени на нафтените деривати во просек 0,49% во однос на одлуката од 3 јуни.
Референтните цени на нафтените деривати на светскиот пазар во споредба со претходната пресметка бележат намалување во просек: кај бензините 3,892%, кај дизелот 3,251%, кај екстра-лесното масло 3,433% и кај мазутот намалувањето е 1,756%.
Курсот на денарот во однос на доларот во изминатиот период по кој беа формирани цените со претходната пресметка е повисок 0,081%.
Од 7 јуни од 0:01 часот, максималните цени на нафтените деривати ќе изнесуваат:
- моторен бензин Еуросупер БС-95 – 80,00 (ден/л)
- моторен бензин Еуросупер БС-98 – 84,00 (ден/л)
- дизел-гориво Евродизел (Д-Е V) – 73,00 (ден/л)
- масло за горење екстра-лесно 1 (ЕЛ-1) – 72,00 (ден/л)
- мазут М-1 НС – 43,209 (ден/кг)
Малопродажната цена на бензинот Еуросупер БС-95 се намалува 2,00 ден/л.
Малопродажните цени на бензинот Еуросупер БС-98, како и на Евродизел (Д-Е V), екстра-лесното масло за домаќинство (ЕЛ-1) и на мазутот М-1 НС не се менуваат.
„Напоменуваме дека ова се максималните цени на нафтените деривати од 0:01 часот на 07.06.2024 година. Трговците на големо и трговците на мало со нафтени деривати и горива за транспорт може да ги формираат цените на одделни нафтени деривати и горива за транспорт и пониско од највисоките утврдени цени“, велат од РКЕ.