Вчерашната жрепка за групната фаза од Лигата на шампионите привлече големо внимание кај љубителите на фудбалот, а танцот на топчињата со голем интерес го следеа и самите фудбалери.
Жрепката беше особено емотивна за американскиот играч за врска Тајлер Адамс, кој игра за германски Лајпциг.
Имено, Адамс беше снимен во моментот кога дозна дека ќе игра против Манчестер Сити и ПСЖ во групната фаза од Лигата на шампионите.
Неговата реакција на неверување и шок очекувано собра бројни симпатии и многу брзо стана хит на социјалните мрежи.
Во групата со Лајпциг, Манчестер Сити и ПСЖ е и белгискиот Бриж, кој е апсолутен аутсајдер во ова друштво.
Инаку, Адамс пристигна во Лајпциг пред две години од редовите Њујорк Ред Булс за само 2,63 милиони евра. Неговата сегашна вредност се проценува на 20 милиони евра.
Адамс е и репрезентативец на САД за кој досега има одиграно 14 натпревари и 1 гол од своето деби во 2017 година. Но, не настапи за САД на Голд купот летово каде неговата земја стана шампион на Северна Америка откако во финалето го совлада Мексико на продолженија.
