„Во рамки на иницијативата за подобрување на условите за живеење и нашите заложби за градење функционална и модерна општина, на почетокот на оваа сезона започнавме амбициозен инфраструктурен проект за реконструкција на десетина улици на неколку локации во Аеродром. На барање на граѓаните кои живеат во населбата Горно Лисиче, веќе привршува реконструкцијата на еден дел од улицата „Лисец“, што опфаќа промена и вградување на тампонски материјал и поставување нов асфалтен слој", информираат од Општина Аеродром.
Проектот се реализира и во целост е финансиран со средства од буџетот на Општина Аеродром. Инфраструктурните активности ова лето првенствено се насочени кон реконструкција на постојни и изградба на нови улици, изведба на нови паркови, спортски комплекси и плоштади на повеќе локации во Аеродром.
Со завршување на овие проекти, Општина Аеродром истакнува дека сериозно ќе ја подобри инфраструктурната во општината и ќе го унапреди локалното и урбано живеење за граѓаните на Аеродром.
