Двата кита-убијци талкаат по јужноафриканскиот брег и ловат во парови од најмалку 2017 година, главно јадејќи го црниот дроб богат со хранливи материи, додека остатокот го фрлаат. Меѓутоа, сега е снимена сцена без преседан.
Научниците биле сведоци на моменти кога машката орка, позната како Starboard, сама фатила и убила млада бела ајкула долга 2,5 метри за само 2,5 минути. Притоа ги покажала одличните предаторски способности на китот убиец.
Сепак, не е изненадување што орките, кои се интелигентни и социјални животни, сами ловат голем плен, но ова е првпат на ваков настан да учествува еден од најголемите предатори во светот, големата бела ајкула.
Случаи на орки кои заедно соработуваат за да ловат и убиваат ајкули биле снимени во минатото, а за тоа сведочи видео од 2022 година, на кое се гледаат две орки како ловат ајкула. За време на ловот, ајкулите се обиделе да кружат околу китовите во очајнички обид да избегнат смрт.
Случајот во кој една орка нападнала ајкула се случил минатата година.
Се поставува прашањето како тоа што орките се хранат со ајкули ќе влијае на овој дел од океанот, односно на нивната популација. Научниците не знаат што го предизвикува ваквото однесување на орките, но станува очигледно дека човековата активност, климатските промени и индустрискиот риболов вршат значителен притисок врз океаните. Може да има и последици за орките, вклучително и ингестија на токсини и метали од месото од ајкула.
„Нарушувањата во рамнотежата на предаторите на врвот на ланецот може да влијаат и на другите видови. Загрозените африкански пингвини би можеле да се соочат со зголемена закана од крзнените фоки доколку не ги изедат белите ајкули“, изјави експертот за морски животни, д-р Лук Рендел.
Додаде дека не постои начин да се утврди дали ваквото однесување е ново или само за прв пат е снимено. Сепак, тој истакнува дека видеото покажува колку орките се всушност вешти ловци.