Леталото OSIRIS-Rex на НАСА пронајде траги од вода на астероидот Бену. Станува збор за големо и неочекувано откритие.
OSIRIS-Rex (Origins, Spectral Interpretation, Resource Identification, Security-Regolith Explorer) на почетокот на декември стигна до астероидот, оддалечен 160 милиони километри од Сонцето. Со помош на два спектрометри во минералите на глина на астероидот откри хемиска состојка која содржи атоми на кислород врзан со ковалентна врска со атом на водород, што значи дека во одреден период, на астероидот со големина од 487 метри, постоела вода во течна состојба.
OSIRIS-Rex на 31 декември ќе влезе во орбитата околу астероидот и таму ќе остане до средината на февруари. Неговата мисија е да се спушти на астероидот и да земе примерок за проучување кој до 2023 година би требало да го врати на Земјата за детално проучување.