Девојката која беше затворена од страна на полицијата во Ријад, поради непристојно облекување, е ослободена без никакви обвинувања, пренесува BBC.
Девојката беше задржана на испитување по видеото објавено на социјалните мрежи, во кое облечена во кратко здолниште и маичка се шета низ стара тврдина во еден од најконзервативните региони на Саудиска Арабија.
Јавниот обвинител го затвори случајот и ја ослободи девојката, откако таа изјави дека видеото е објавено без нејзина дозвола. Младата манекенка признала дека прошетала без да ја покрие косата, носејќи здолниште.
Жените во Саудиска Арабија мораат да носат долга целосна облека во јавност, како и марами на главата, ако се муслиманки. Но, нема никакви ограничувања за облеката под абајата, како што се нарекува муслиманскиот фустан наметка. Според министерството за информатика, девојката не знаела дека видеото ќе биде објавено.
На жените во Саудиска Арабија исто така им е забрането да возат, да бидат во присуство на мажи кои не се роднини и мораат да имаат писмена дозвола од машки роднина, обично татко, брат или сопруг, ако сакаат да патуваат, да работат или да имаат здравствена нега.
