Ако барате начин да ја подобрите вашата здравствена состојба, менувањето на овие лоши здравствени навики (или барем некои од нив), би можело да биде токму она што ви е потребно.
Ова се 10 најчести негативни секојдневни навики:
1. Прескокнувате оброци
Истражување објавено во „American journal of epidemiology“, покажа дека луѓето кои прескокнуваат појадок имаат 4,5 пати поголеми шанси да станат дебели. Поголем број на помали оброци во текот на денот ќе го неутрализираат гладот и вкупното ниво на шеќери во крвта.
2. Грицкате нокти
Мало истражување покажа дека бројни бактерии, како ешерихија коли, биле пронајдени кај 76 отсто од луѓето кои грицкаат нокти, во споредба со 26,5 отсто до луѓето кои ја немаат оваа лоша навика.
3. Секојдневно купувате готови или преработени оброци
Ако не сте во можност да готвите секој ден, експертите советуваат да одделите барем еден до два часа во текот на викендот и за тоа време да си подготвите оброци за цела недела.
4. Не ја менувате редовно постелнината
Постелнината мора да се менува редовно, бидејќи во спротивно таа станува „дом“ за бројни бактерии и габи, од кои доаѓа до најразлични опасни зарази.
5. Одите рано во теретана
Под рано одење во теретана се мисли на тоа, ако на пример, сте легнале во 2 наутро, а сте станале во 5, како и секое утро. Ако мислите дека оваа пракса е корисна, тогаш сте во голема заблуда. Иако вежбањето ќе ви го поправи расположението и ќе ви помогне да се ослободите од вишокот на килограми, недостатокот на сон ќе доведе до зголемено производство на хормони на глад, а со самото тоа и поголемо консумирање на храна.
6. Брзате да завршите оброк
Истражување објавено во „Journal of the American dietetic association“, покажа дека учесниците се чувствувале посити кога јаделе побавно. Тие во просек внесувале 66 калории помалку по оброк од лицата кои јаделе брзо. Причина за тоа е фактот дека на мозокот му се потребни 20 минути да препознае сигнал дека стомакот е полн.
7. Првата работа која наутро ја внесувате во вашиот организам е кафе
Точно е дека кафето го поттикнува метаболизмот, но истражување објавено во „The Journal of Clinical Endocrinology and Metabolism“, покажа дека кај испитаниците кои наутро пред оброк консумирале 500 милилитри вода наместо кафе, била забележана засилена метаболичка активност од 30 отсто.
8. Избегнувате здрави маснотии
Точно е дека мастите се покалорични од протеини и јаглен хидрати по грам, но тоа не значи дека би требало да ги избегнувате. Здравите маснотии (ореви, авокадо, лосос) се неоходни за апсорпција на многу хранливи материи, а покрај тоа тие одржуваат чувство на ситост и го намалуваат ризикот од срцеви заболувања.
