Во кабинетот на германската канцеларка Ангела Меркел е откриен вработен кој со години шпионирал за египетската известувачка служба. Станува збор за соработник на главниот портпарол на германската влада, разоткриен како египетски агент.
Вработен во Службата за медиуми и информации на германската влада, осомничениот повеќе години работел за египетската известувачка служба. По налог на сојузното обвинителство, преземени се извршни мерки против агентот, стои во безбедносниот извештај претставен во Берлин. Истрагата е во тек.
За германски Bild, обвинителството потврди дека против тоа лице е покрената истрага поради сомнежи за шпионажа, а весникот наведува дека станува збор за државен службеник од средно ниво.
Тежиштето на активностите на египетската известувачка служба во Германија е да собере повеќе информации за египетските опозиционери кои живеат во таа земја, наведе Службата за заштита на уставноста во годишниот извештај. Фокусот на египетските колеги е кон припадниците на Исламско братство.