Два произведувачи на вакцини против ковид тврдат дека нивните дози се ефективни против омикрон варијантата, а добра е и веста дека податоците од Велика Британија укажуваат дека ризикот од хоспитализација по зараза со новата варијанта е помала за 45% во однос на делта.
Пандемијата на коронавирусот повторно зеде замав низ светот поради ширењето на омикрон, кој се покажа како многу заразен. Така, во Велика Британија вчера беа регистрирани над 100.000 нови случаи.
Првичните податоци покажуваат дека омикрон е поотпорен на вакцините, но бројот на хоспитализации и смрт не е драматичен како во случајот со делта.
1. Значително помала хоспитализација
Истражување на Империјал колеџ во Лондон покажа дека ризикот од хоспитализација поради зараза со омикрон во однос на зараза со делта е помал.
Научниците спровеле студија која анализирала податоци од случаи со потврден ПЦР тест во Англија во периодот меѓу 1 и 14 декември. Ризикот од хоспитализација по зараза со омикрон е дури за 45% помала.
2. Лек против корона
Таблети на Pfizer заедно со антивирусен лек наречен ритонавир, ќе се продава под името паксловид.
Во меѓувреме и AstraZeneca објави дека примената на трета доза од нивната вакцина против ковид е ефикасна против омикрон варијантата.
Универзитетот Оксфорд спроведе истражување кое покажа дека нивото на антитела против омикрон по бустер доза е повисоко отколку кај луѓето кои се заразиле и природно прележале ковид.
Претходно и Novavax објави податоци според кои нивната вакцина, веќе одобрена од ЕМА и СЗО, создава имун одговор на омикрон.
