Џон Малкович и Роберт Родригес снимија филм кој никогаш нема да го видиме, бидејќи ќе биде прикажан дури по 100 години, поточно на 18 ноември 2115 година, пишува io9.
Станува збор за добар маркетинг трик во кој е ангажиран мексиканскиот режисер Роберт Родригес за амбициозен уметнички експеримент на снимање филм кој нема да биде прикажан сто години. Толку време е потребно за правилно зреење на шише коњак Louis XIII пред да биде пуштен во продажба.
„100 Years“ е краток филм во кој се појавуваат американскиот актер Џон Малкович, тајванската актерка Шуја Ченг и чилеанскиот актер Марок Зарор.
Не се познати детали за дејството на филмот, објавени се три тизери кои не се дел од филмот, не го откриваат дејството. Тие се софистицирана реклама за коњакот Louis XIII, направена во три различи варијанти замислени во иднината.
Како дел од промоцијата, ќе бидат доделени 1.000 влезници кои ќе им овозможат на потомците на примателите да ја видат проекцијата на филмот 100 Years за 100 години.
Покрај филмот, во ноември, 2117 година ќе биде објавена и песна со наслов „100 Years“ компонирана од Фарел Вилијамс, во соработка со Louis XIII.