За многу луѓе кои се придржуваат до здравата исхрана, овошјето им претставува омилена ужина. Тоа е богато со влакна и есенцијални хранливи материи, а исто така е вкусно и можете да го носите со вас каде и да одите.
Сепак, некои видови на овошје се богати со шеќери, а иако станува збор за природен шеќер, доколку се обидувате да загубите килограми, во тој случај тоа овошје не е најдобра опција за вас.
Не морате во целост да го исфрлите од вашата исхрана доколку не можете без одреденото овошје, но едноставно обратете внимание на тоа во колку количини и кога го консумирате.
„Им препорачувам на сите чија цел е да ослабат, да внимаваат на големината на порциите и подготовката“, вели експертот за храна, Елиза Севиџ.
„Примерно е да се изеде едно овошје, доколку станува збор за јаболко или праска, а доколку пак станува збор за грозје или цреши, потребно е да не се претерува“, советува таа.
Во прилог прочитајте за тоа кои видови на овошје треба да ги избегнувате ако сакате да го загубите вишокот на килограми:
Конзервирано овошје
„Конзервираното овошје всушност би било здраво, ако тоа не се става во некој сладок сируп“, вели диететичарот Жилиен Кубала, па препорачува да одберете овошје кое е конзервирано во вода или во сопствениот сок кој тоа го испушта.
Сушено овошје
„Иако мали количини на сушено овошје се одличен избор за ужина, кога се комбинираат со здрав извор на масти и протеини, како што се на пример оревите, прејадувањето сепак може да доведе до зголемување на телесната тежина“, предупредува Жилиен.
„Сушеното овошје има повеќе калории од свежото и содржи повеќе шеќери“ додава диететичарот.
Смути од продавница
Смутито е навистина здраво, но тоа е така само ако вие сами си го подготвите, бидејќи она кое ќе го најдете во продавница е полно со вештачки шеќери, сметаат експертите.
