Клетките собрани за време на ПАП тестот за откривање на рак на грлото на матката може да бидат корисни за откривање на раните тумори на други места, како што е ракот на дојката или јајниците, сугерира ново истражување.
Научниците велат дека пронашле знаци во собраните клетки кои се поврзани со други видови на рак.
Овие знаци би можеле да бидат предупредување за лекарите кои потоа би продолжиле да постапуваат согласно сознанијата, велат научниците во текстот објавен во Nature Communications.
Сепак, експертите препорачуваат тоа дополнително да се истражи.
Жените веќе се упатуваат на рутински ПАП тестови, како и на секои неколку години по 50-тата година на мамографија. Ракот што се открива во рана фаза е полесен за лекување.
И покрај многуте истражувања, сè уште не постои сигурен тест за рано откривање на ракот на јајниците. Таквите тумори обично се потешки за лекување откако ќе бидат откриени.
Клетките кои стануваат канцерогени обично покажуваат рани промени на молекуларно ниво. Научниците веруваат дека пронашле примероци од ПАП тестови кои можат да утврдат дали жените се изложени на поголем ризик за развој на други видови на рак, пренесува BBC.
