Најубавата тениска двојка Пола Бадоса и Стефанос Циципас утре ќе испише историја на Вимблдон.
Грчкиот тенисер и шпанската тенисерка неодамна ги потврдија пишувањата на медиумите и соопштија дека се во врска, а нема да бидат пар само надвор од теренот, туку и на самиот терен.
Дваесет и четиригодишниот Циципас и една година постарата Бадоса влегоа во игра во мешани двојки на Вимблдон и ќе станат првата љубовна двојка што ќе игра на Грен слем турнир.
Циципас и Бадоса така за првпат во кариерата ќе се појават во мешани двојки, а во првото коло ќе играат против првите носители на турнирот Американките Остин Крајичек и Џесика Пегула.
Нема сомнеж дека нивните навивачи будно ќе го следат тој дуел иако имаат улога на аутсајдери, а доколку направат изненадување и стигнат до крајот на турнирот ќе биде особено интересно бидејќи и двајцата се кандидати за титули во сингл.