По трите настани организирани на различни локации во Скопје, приказната за „Патот до здрави“ заби годинава финишираше со големата детска претстава „Роденденска приказна“, изведена на Школка во Градски парк (на 17.06).
Оваа година, главниот јунак на „Патот до здрави заби“, Четко Четковски, подготви забавни и едукативни игри поврзани со оралната хигиена. Игрите беа одржани во ЗОО Скопје, населба Аеородром и Влае, а завршија со голема детска претстава во Градскиот парк. На сцената на Школка, настапи Четко заедно со своите другари Мартин и Манко.
Дејството на претставата опфати добро познати лекции што Четко им ги делеше на сите дечиња кои присуствуваа на досегашните настани, а беше збогатена со голем број случки на главните ликови од претставата кои низ подготовките за роденденската забава ги поучија присутните зошто е важнo да се јадат здрави производи и да се води редовна хигиена, како и за правилниот начин на чистење на запчињата.
Погледнете го видеото од овој настан:
Кампањата „Патот до здрави заби“ поддржана од Натусана и Лакалут, веќе трета година низ забава и игра ги едуцира дечињата за правилната и редовна хигиена, како и здравите производи и навики кои се важни за нега на забите.
