Легендарниот бразилски фудбалер Пеле му го честита на Португалецот Кристијано Роналдо враќање во редовите на премиерлигашот Манчестер Јунајтед.
Роналдо вчера потпиша двегодишен договор со клубот од „Олд трафорд“ во кој играше од 2003 до 2009 година.
– Нема поубаво чувство од тоа да го освоиш светот и да се вратиш дома. Биди секогаш среќен, Роналдо, напиша Пеле на Instagram профилот на португалскиот репрезентативец.
Роналдо брзо одговори на честитката од Пеле.
– Секогаш е одлично да се вратиш во местото каде што си бил среќен. Ви благодарам многу за поддршката, напиша Роналдо.
Тој на 292 натпревари за Јунајтед постигна 118 голови.
