Факт е дека пасошите на европксите земји, особено оние на чемјите од ЕУ, се меѓу едни од најмоќните во светот. Во изминатите 12 месеци пет европски земји забележаа висок скок во моќноста на нивните пасоши.
Најголем скок од цели 88 места на листата на моќност на паосшите објавена од VisaGuide Passport Index забележа Косово. Тоа се должи на визната либерализација со ЕУ, со што граѓаните на оваа полупризната држава (сѐ уште не е во ОН) можат слободно да патуваат во повечето ЕУ членки. Сепак, пасошот на Косово и натаму не е многу моќен бидејќи генерално е дури на 97. место во светот. Но, многу подобро стои отколку во јануари 2023 кога беше дури 185-ти.
Втор најдобар скок има Норвешка, чиј пасош рипна 18 места и сега е на високото 12-то место во светот, а претходно беше 30-ти.
Потоа следува Франција која со скок од 14 места својот пасош го стави во топ 5 најмоќните во светот.
Скок од 12 места забележа Холандија, и сега на 6. место, а беше 18-та пред една година.
Топ пет пасоши со највисок скок завршува со Полска која се помести нанапред 11 места и од 31. место рипна на 20-тото.
Македонскиот пасош за една година напредуваше само едно место и од 79-тото сега е рангиран на 78. место со индексен поен од 65,10.