Веројатно сте слушнале дека постојат необични растенија кои се хранат со инсекти, односно се растителни предатори. И да не сте слушнале, сега ќе се запознаете со најинтересните пет од овој вид.
Мистериозните месојадни растенија за првпат биле опишани уште во 1875 година и тоа во книгата „Insectivorous Plants“, чиј автор е познатиот Чарлс Дарвин.
Овие необични растенија располагаат со неопходни органи за фаќање мали животинки и потоа нивно варење, но тоа не е доволно - за воопшто да добијат можност за лов, овие растенија прво мора да ги привлечат инсектите. Мирисот, бојата или нектарот им помагаат во тоа, благодарение на што го намамуваат пленот.
Ова се петте најинтересни и најпознати видови:
Месојадите од оваа група користат лепливи лисја за да ги намамат, фатат и сварат инсекти, а се хранат со овие мали суштества за да надоместат за малиот процент на минерали во почвата. Постојат околу 80 видови од ова растение, а живеат во Северна Америка, Јужна Америка, Европа и Азија. Растат и кај нас.
Овој род на месојади има повеќе од 170 видови, кои, како пингвикулата, живее на места каде што нема доволно минерали во почвата. Може да се најдат на секој континент, освен Антарктикот, живеат до 50 години и можат да растат помеѓу еден сантиметар и еден метар. Сеа наоѓа и кај нас на некои места.
Ова е помал род на месојади, кој своето необично име го добил поради боите што на дневна светлина сјаат на нивните лигави лисја. Живее во Западна Австралија, а досега се пронајдени 8 видови. Се разликуваат од сличните родови по нивните зигоморфни цветови.
Ова водно месојадно растение расте без корени и е еден од најфасцинантните примероци на светската флора. Лови мали водни без'рбетници, а неговите стапици се затвораат за само 10 милисекунди, што е едно од најбрзите движења во живиот свет.
Најпознатото месојадно растение во светот се храни со инсекти и пајаци. Тоа е мало растение кое има помеѓу четири и седум лисја кои растат од кратко подземно стебло, а можат да пораснат и до 15 сантиметри. Растението мирува во текот на зимата, кога е помало и нема лисја, но во пролетта лисјата повторно растат. Својот плен го привлекува со сладок нектар и црвени лисја-стапици. Интересно, ако пленот успее да избега, лисјата повторно се отвораат полека, за околу два часа. Исто така, интересно е што ова растение не зависи од исхраната со месо, туку може да живее со месеци без лов на инсекти.
