За да ја одржувате кујната чиста секој ден, треба почесто да менувате некои предмети, како на пример сунѓерите за миење садови. Тоа е затоа што сунѓерите се едно од местата каде бактериите најчесто се размножуваат.
Затоа е важно секојдневно да ги одржувате и да ги менувате доколку е потребно.
Додека тие ви помагаат да исчистите, сунѓерите исто така можат да шират бактерии. Затоа се препорачува нивна замена еднаш неделно.
Сировото месо, зеленчукот и многу други намирници имаат тенденција да завршат на даската за сечкање. Исто така, ножевите кои ги користите создаваат бразди ни вдлабнатинки на даската, кои со текот на времето стануваат плодна почва за бактерии. Правилото е да се менуваат барем еднаш годишно.
Мирисите од замрзнувачот се апсорбираат и во садовите и на тој начин се пренесуваат во мразот. Ова може да влијае на вкусот на мразот, кој, во зависност од тоа што го чувате во замрзнувачот, може да има чуден вкус.
Дрвените лажици и сличните садови се попорозни од оние направени од други материјали, па затоа е важно да се заменат доколку се појават пукнатини или задржуваат силни мириси и дамки кои не можат да се отстранат.
Многу луѓе ги отфрлаат препораките на производителот за редовно чистење на машината за кафе. Меѓутоа, ако не го правите тоа, можеби пиете повеќе од кафе. Калциумот се акумулира и мувла и квасец можат да растат во резервоарот за вода. Покрај чистењето на надворешната страна на кафематот, не занемарувајте го и чистењето на резервоарот за вода.
