Париз котира високо на многу листи на градови што мора да ги посетите и за тоа има повеќе причини. Градот на светлината е една од најатрактивните туристички дестинации за кратки и долги патувања, а има многу што да се види.
Порталот Evoke направи листа од пет места што мора да ги видите кога ќе го посетите Париз, па без разлика дали сте таму еден викенд или подолго, може да направите план како да ги посетите сите пет места.
Тоа што Париз е познат и како Градот на љубовта не значи дека соло патниците се исклучени од неговата богата туристичка понуда.
Градот нуди многу убавини што нема да ги видите на класичните листи на туристички атракции, а оваа листа ќе ви помогне да го запознаете Париз и да се чувствувате како да сте дел од градот, а не турист на поминување.
Sainte-Chapelle
Оваа фасцинантна црква е совршен пример за вистинска ахритектонска уметност. Посебен детаљ што одушевува во оваа градба се витражите кои ги има во изобилство.
Париските катакомби
Оваа градба настанала во 18. век бидејќи локалните гробишта станале пренатрупани, а труповите што почнале да се собираат на улиците предизвикувале зарази кај локалното население. Човечките посмртни останки се положувале во катакомбите од 1786 до 1814 година и низ историјата овие гробници предизвикувале фасцинација и привлекувале разни посетители, вклучувајќи го и Наполеон.
Petite Ceinture
Petite Ceinture е совршена опција за мирна прошетка и опуштање од метежот на париските вински барови, плоштади и галерии. Оваа напуштена пруга им служела на граѓаните на Париз од 1862 до 1934 година, пред да ја нагризе забот на времето. Сега изобилува со дрвја и лози што сочинуваат една идилична локација за прошетка на која ќе се чувствувате како вистински парижани.
Музејот на вампири
Во Париз сигурно не недостигаат гробишта со фасцинантни истории, но за вистинските фанови на морбидното, идеалната локација е Музејот на вампири. Мора да го посетите за да го доживеете.
Le Lutetia
Ова е една од најубавите париски раскрсници и една од најфреквентните локации во Градот на светлината. Седнете во летната бавча на некој од околните локали и почувствувајте го ритамот на Париз.
