Живот

Пет вештини кои работодавачите ги бараат во 2019 година

12. февруари 2019 - 12:16 | Б.С.Б.

На почетокот од годината LinkedIn објави неколку корисни текстови со цел да им помогнат на вработените во напредокот на кариерата. Еден од нив открива кои работни вештини се бараат на пазарот на трудот, во наредниот период.

Фокусот е поставен на така наречените меки вештини кои помагаат соработка со други луѓе во деловен контекст, а не се поврзани само со една струка.

Авторите на истражувањето од LinkedIn, со анализа на податоци од корисници на нивната мрежа, дојдоа до следните пет меки вештини кои ќе бидат барани во 2019 година.

1. Креативност

Технологијата која користи вештачка интелигенција и машини можеби се добри во оптимизација на старите идеи, но единствено човечката ингениозност е во состојба да создаде нови идеи. Од таа причина, пронајдете начини да ја стимулирате својата креативност за да бидете подготвени во решавањето проблеми во иднината.

2. Способност за тимска работа

Колку што проектите се покомплицирани толку е побитно соработката меѓу вработените кои работат на нив биде подобра. Способноста за добра комуникација со колегите е секогаш на цена и ви гарантираме дека луѓето кои одлучуваат за вашата судбина во компанијата детално анализираат како соработувате со другите во канцеларија.

3. Талент за убедување

Добриот производ или услуга нема многу да значат ако не сте во состојба да ги убедите другите да го пробаат. Талентот за убедување не ви е потребен само за продажба туку и за комуникација со колегите и шефовите, од кои во крајна линија зависи вашата положба во компанијата.

4. Адаптирање

Светот се менува многу брзо, па и од вас се бара да се адаптирате на новите околности и секој ден да учите нови нешта поврзани со работата. Исто така, мора да бидете подготвени и на поинаква улога во фирмата од таа на која досега сте се навикнале. Новите проблеми бараат нови решенија, а само прилагодливите луѓе ќе можат адекватно да се соочат со нив.

5. Управување со времето

Кога еднаш ќе научите поефикасно да го трошите времето на работа, од тоа ќе имате корист до крајот на кариерата, дури и ако во меѓувреме ја промените професијата. Луѓето кои добро управуваат со своето време постигнуваат најдобри резултати.

Коментирај