Босанскиот везист Миралем Пјаниќ стана дел од моќната Барселона откако веќе стави потпис на понудениот договор.
Пјаниќ во текот на синоќешниот ден ги направи неопходните медицински прегледи по што потпиша договор со кој се обврза на 4-годишна верност кон клубот од „Камп Ноу“.
Миралем ја игра четвртатта сезона во дресот на „Бјанконерите“ откако дојде од Рома каде пак мина пет сезони. По цели 11 години во Италија, Пјаниќ ја менува средината.
Каталонците за трансферот на Босанецот нема да потрошат ниту евро во однос на Јувентус бидејќи се работи за трампа. Бразилскиот везист Артур Мелу од Барса премина во Торино, а Јуве доплати и 10 милиони евра.
30-годишниот Босанец се очекува да остане во Јуве до крајот на сезоната до кога „Старата дама“ има натпревари.
„Сигурни сме дека ќе остане кај нас до крајот на август. Дечкото е професионалец, многу интелигентен и ги разбира ситуациите многу брзо при што знае брзо да се прилагоди“, изјави Маурицио Сари по петочниот натпревар против Лече на кој Пјаниќ одигра 90 минути.