Видот одамна истребен во Австралија почна да се враќа. Три малечки дојдоа на свет во сојузната држава Нов Јужен Велс, што е прв таков случај по три милениуми. За експертите, тоа е знак за репопулација.
Историски момент во далечната Австралија. Откако во 2020 година 11 тасмански ѓаволи беа пуштени во дивината, мајката наречена Лиса на свет донесе три млади. Овде не би имало ништо необично доколку не се знаеше фактот дека тасманскиот ѓавол е изумрен на континентот Австралија речиси три милениуми.
Амбициозниот проект за репопулација на тасманскиот ѓавол во Австралија се вика Aussie Ark и е соработка помеѓу Re:wild, WildArk и Australian Reptile Park. Проектот има за цел да создаде самостројна популација која ќе може да се одржува независно, без човечка помош. Токму овие три младенчиња родени во дивина се одличен почеток кои им даваат елан и верба на водачите на проектот, Крис Хемсворт и Елса Патаки.
„Вршевме рутинска проверка кога забележавме дека Лиса има мали во својата торба (тасманскиот ѓавол има торба како кенгурот, заб. на авт.). Овие први малечки се доказ дека нашиот проект за враќање во дивината функционира“, вели Тим Фолкнер, извршен директор на Aussie Ark.
Тасманскиот ѓавол (Тасманскиот ѓавол) е нјаголемиот месојаден торбар кој одамна бил многу распространет на австралискиот континент. Потоа одеднаш изумрел, од причини досега сѐ уште непознати. Нивното истребување, според научниците, коинцидира со наглите климатски промени кои ја зафатиле Австралија пред 3 илјади години, како и експанзијата на домородните Австралијци кои со себе носеле кучиња динго, инаку предатори посестрани и покомпетитивни од тасманскиот ѓавол.
Видот сепак преживеал бидејќи тасманскиот ѓавол останал да живее на островот Тасманија, јужно од Австралија. Оттаму и името. Но, и таму се соочил со опаѓање на полулацијата, поради единствениот познат вид на заразлив канцер, кој ги намалил за 90%. Денеска се заштитен вид и се работи на нивна репопулација.
