По 4 години забранетата репрезентација на Баскија ќе одигра натпревар

Фудбалската репрезентација на Баскија, која се надева дека ќе стане членка на УЕФА и ФИФА, овој месец во Билбао ќе одигра пријателски натпревар со двократниот светски шампион Уругвај.

Натпреварот ќе се одигра на 23 март на „Сан Мамес“ стадионот на Атлетик, соопшти Фудбалската федерација на Баскија.

Еускади, односно Баскија на баскискиот јазик, последен пат одигра пријателски натпревар пред четири години. Во декември 2020 година ја победија Костарика со 2:1 со головите на тогашните играчи на Атлетик, Икер Муниаин и Унаи Нуњес.

Уругвај, светскиот шампион од Мундијалите во 1930 и 1950 година, моментално е 11-та репрезентација во светот на рангирањето на ФИФА. Селектор на Уругвај е Марсело Биелса, кој беше тренер на Атлетик од 2011 до 2013 година.

Со оглед на тоа што Шпанија има закажано пријателски на 22 и 26 март против Колумбија и Бразил, останува да видиме на кои играчи ќе може да смета баскискиот селектор, кој Федерацијата допрва треба да го именува.

Во декември 2002 година Баскија играше пријателски натпревар и против Македонија, кој заврши 1:1. На тој натпревар за нашата репрезентација настапија легенди како Петар Милошевски, Гоце Седлоски, Александар Васоски, Величе Шумуликоски, Горан Попов, Артим Шаќири, Влатко Грозданоски, а за Баскијците играа Аитор Каранка, Шаби Алонсо, Хосеба Ечебериа, Гаиска Мендиета, Исмаел Урсаис, Хулен Гереро и други.

Remote video URL

Баскиската фудбалска федерација во декември 2020 година аплицираше за членство во УЕФА и ФИФА, но според пишувањата на медиумите доби негативен одговор поради противењето на Кралската шпанска фудбалска федерација. Поради тоа, Баскија може да игра само пријателски натпревари, како што беше случај и порано.

Баскија е автономен регион на северот на Шпанија со население од 2,2 милиони жители, од кои најголемиот дел етнички Баскијци, народ чиј мајчин јазик, баскиски, нема допирна точка не само со шпанскиот, туку и со ниту еден друг во светот. Еден дел од Баскија се наоѓа во соседна Франција. Мнозинството места во баскискиот парламент го имаат политичките партии кои се залагаат за референдум за независност.

УЕФА пред неколку години за свој челн го прими Гибралтар, британска територија на југот на Шпанија. Исто така, го прими и Косово, чија независност од Србија сè уште не е призната, како и од 5 членки на Европската Унија, вклучително и Шпанија, а ниту пка е во Обединетите нации. Земји како што се Шкотска, Велс, Северна Ирска и Фарските Острови, кои не се независни држави, но имаат автономија во рамките на Обединетото Кралство односно Данска, исто така учествуваат во натпреварите на УЕФА и ФИФА.

Фудбалската федерација на Баскија засега не открива дали повторно ќе бара членство во УЕФА и ФИФА и кои се нејзините понатамошни планови.

реклама

Топ 5 најдолговечни животни - некои живеат и илјадници години

Read more

Зошто никогаш не треба да користите мобилен телефон додека сте во тоалет?

Read more

Колку често мажите и жените помислуваат на секс?

Read more

Како би изгледала Европа ако светското море се подигне за 100 метри?

Read more

Фудбал

Џеко на 38 години истрча од гол на гол за девет секунди

Read more

Како беше на скопското дерби Работнички - Вардар?

Read more

Проклетството на Кејн ја уништи трофејната низа на рекордерот Коман

Read more

Откриено зошто колабираше Ндика, немал срцев удар

Read more
 

Спорт

  • play_arrow

Џеко на 38 години истрча од гол на гол за девет секунди

Читај повеќе
  • play_arrow

Како беше на скопското дерби Работнички - Вардар?

Читај повеќе

Проклетството на Кејн ја уништи трофејната низа на рекордерот Коман

Читај повеќе
  • play_arrow

Литванец го собори најстариот машки светски рекорд

Читај повеќе

Откриено зошто колабираше Ндика, немал срцев удар

Читај повеќе

Сега почнува спектаклот: Познати се сите плеј-ин парови и учесници во плеј-офот

Читај повеќе

Спектакл во Тексас, Вињалес влезе во историјата на кралската класа

Читај повеќе
  • filter

Неверојатни сцени на прославата во Леверкузен: Навивачите не издржаа и влетаа пред 90-та

Читај повеќе
  • play_arrow

Хет-трик на телохранителот на Меси – запре 3 навивачи на еден натпревар

Читај повеќе