Американскиот рапер Кулио, познат по култниот хит „Gangsta's Paradise“, почина на 59-годишна возраст.
Неговиот долгогодишен менаџер Џарез Поси изјави дека музичарот бил пронајден без знаци на живот на подот на бањата во куќа на негов пријател во Лос Анџелес.
Кулио почна да се занимава со музика во 80-тите години на минатиот век, но најмногу се прослави во хип-хоп музиката со хитот „Gangsta's Paradise“ во 1995 година.
Точната причина за неговата смрт не е позната, но лекарите веруваат дека најверојатно станува збор за срцев удар.
Кулио, чие вистинско име е Артис Леон Ајви Џуниор, освои Греми награда за „Gangsta's Paradise“, песна која беше дел од музиката за филмот „Dangerous Minds“ со Мишел Фајфер во главната улога.
