Поранешниот папа Бенедикт XVI почина во својата резиденција во Ватикан, на 95-годишна возраст, по скоро една деценија откако се повлече поради нарушено здравје.
Тој ја водеше Католичката црква помалку од осум години и во 2013 година стана првиот папа што поднесе оставка, по Григориј XII во 1415 година.
Бенедикт ги помина своите последни години во манастирот Mater Ecclesiae внатре во Ватикан.
– Со тага ве известуваме дека почесниот папа Бенедикт XVI почина денес во 9:34 часот во манастирот Mater Ecclesiae во Ватикан, стои во соопштението на Ватикан.
Иако поранешниот папа беше болен подолго време, Светата столица соопшти дека неговата состојба се влошила поради староста.
Во средата, папата Франциск на неговата последна аудиенција за годинава во Ватикан повика на „посебна молитва за почесниот папа Бенедикт“, за кој рече дека е многу болен.