На 94-годишна возраст почина Вилијам Хенри Гејтс, таткото на коосновачот на Microsoft.
„Сите имавме доста време да размислиме колку сме среќни што толку години имавме неверојатен човек во нашите животи“, напиша Бил Гејтс на официјалниот блог.
Неговиот татко беше воен ветеран и коосновач на фирма во Сиетл. Бил се присети дека неговиот татко на почетокот бил скептичен поради одлуката да формира добротворна фондација на која ѝ се посвети откако се дистанцира од управувањето со Microsoft.
„Фондацијата не би била тоа што е да не беше татко ми“, вели Бил.
Вилијам Хенри Гејтс беше еден од челните луѓе во фондацијата која почна да делува пред 20 години. Тој боледувал од Алцхајмерова болест.
