Бразилските здравствени служби денеска соопштија дека починал волонтер кој учествувал во програмата за развој на вакцини на британско-шведската компанија AstraZeneca и Универзитетот Оксфорд.
Властите објавија дека развојот на вакцината ќе продолжи и покрај смртта на волонтерот. Не се соопштени други детали за причините за неговата смрт.
И од Оксфорд потврдија дека ќе продолжат со истражувањата и развој на вакцината.
Федералниот Универзитет во Сао Паоло ја потврди смртта на волонтерот во посебно соопштение, во кое се наведува дека станува збор за бразилски државјанин.
