Денеска многу светски, а и македонски медиуми, ја објавија тажната веста за смртта на најпознатиот фудбалски агент, Мино Рајола.
Но, Мино е жив и твита. Откако и до него стигнаа неизбежните вести за неговата смрт после проблеми со белите дробови, нервозниот Мино твитна дека сѐ уште е меѓу живите.
„Моментална здравствена состојба за оние кои се прашуваат: изнервиран, вторпат за 4 месеци ме умираат. Изгледа сум способен да воскреснувам“, напиша Мино на Twitter.
Ова се однесува на тоа што и во јануари имаше слична вест дека починал откако бил хоспитализиран во болница во Милано.
Од многубројните свои клиенти, Рајола ги застапува интересите и на Златан Ибрахимовиќ, Пол Погба, Ерлинг Холанд, Џанлуиџи Донарума, Матајс де Лихт, Марко Верати, Хенрих Мхитарјан...