Македонскиот поет Блаже Петревски ќе учествува на меѓународниот поетски фестивал Haus fur Poesie во Келн, Германија, во соработка со академијата на уметностите од Берлин, што ќе се одржува од 22 до 29 октомври.
Тој ќе се претстави со песни од циклусот „Испарувања“, од дебитанската збирка „Врвот дно“. Поезијата со која ќе се претстави Петревски е објавена во меѓународната антологија со поезија на германски јазик во која се застапени автори од педесет земји во светот.
Настанот ќе се одвива под мотото No one is an switched off. Поетскиот фестивал во Келн постои од 2004 година, а промовира поезија, сликарство и литература.
Блаже Петревски - Ендемион е роден 1987 година во Охрид. Основно и средно образование завршил во родниот град. Студирал на Катедрата за општа и компаративна книжевност при Филолошкиот факултет „Блаже Конески” во Скопје. Уште како средношколец им се восхитувал на стиховите на Марина Цветаева, Рајнер Марија Рилке, Бодлер, Пушкин, Гете. Поезијата за него преставува најсвета, највозвишена вредност. Единствената животна надеж и негово засолниште претставува пишаниот збор, стихот кој ја остава душата без здив.
Автор е на две стихозбирки: „Врвот дно“ (2023) и „Хипербореја“ (2023).
