SkopjeFilmStudio го објави трејлерот за новиот македонски долгометражен филм „Мими“.
Филмот ја следи приказната за Мими, девојка од провинција (Наталија Теодосиева), која ќе стане опседната со новородениот син на нејзината пријателка (Тамара Ристовска), до тој степен што ќе развие „фантомска бременост“.
Во филмот играат и Оливер Митковски, Петар Мирчевски, Сашко Коцев, Владимир Петровиќ и Стефан Спасов.
Сценарист и режисер на филмот е Даријан Пејовски, продуцен е Томи Салковски, а копродуценти се Дамиер Терешак и Марко Јоксимовиќ. Кинематографер Дејан Димески, монтажата е на Владимир Павловски, а арт директор е Игор Тошевски.
Оригиналната музика за филмот ја направи Александар Пејовски, костимографка е Емилија Ивановска Атанасовска, а Ива Куробаша беше задолжена за шминка и фризура.
Филмот е во постпродукција, снимен како копродукција со MAXIMA FILM и GIGGLING GOAT PRODUCTION, поддржан од Агенцијата за филм на Северна Македонија, Хрватскиот аудиовизуелен центар и Филмскиот центар на Црна Гора.