Во близина на вилата во која се преселија Хари и Меган се пронајдени остатоци од човечки костур.
Неколку метри од домот на кралскиот пар во Монтесито, Лос Анџелес работници пронајдоа дел од костур за кој се претпоставува дека му припаѓа на Индијанец кој живеел во тој дел пред неколку века. Точната старост ќе ја утврдуваат форензички антрополози.
Работниците веднаш престанале со работата и на местото на настанот е повикана полиција. Извори за The Sun велат дека ова откритие е голема драма за место како Монтесито.
Портпаролот на парот, Ракел Зик вели дека ова откритие не е поврзано со Хари и Меган, но ако се утврди дека се работи за понови остатоци ќе има истрага.
Хари и Меган со синот Арчи се преселија пред една година на имотот кој чини 11 милиони фунти.