Полицијата во Атланта застрела невооружен Афроамериканец во грб, покажуваат видео снимките од надзорните камери.
На видеото се гледа како Рејшард Брукс бега од полицијата, а потоа се врти со кренати раце и кон полицајците вперува, најверојатно, пиштол за електрошокови и продолжува да трча. Во моментот кога полицаецот го застрелува, Брукс е свртен со грб.
Полицаецот кој го уби 27-годишниот Брукс доби отказ, а новото убиство на Афроамериканец предизвика протести во Атланта.
Инцидентот се случува во момент на големи тензии во американското општество по смртта на Афроамериканецот Џорџ Флојд во Минеаполис.