Нотарка од Куманово заработи полициска пријава за злоупотреба на службената положба и овластување. Таа овозможила да се издаде Решение кое станало правосилно и извршно, без притоа да биде известен нејзиниот клиент Т.С. од Куманово, со што го пропуштил правото да вложи приговор.
Пријава од МВР заработи и Ј.И. (55) од Куманово, вработена во Основниот суд во Куманово. Таа е осомничена за кривично дело злоупотреба на службената положба и овластување.
На 22.09.2015 година пријавената, вработена на приемен шалтер во приемното одделение на Основен Суд Куманово, на предлог за повторување на постапката, доставен од Б.М., на првиот примерок ставила приемен печат од 22.09.2015 година без потпис, а на останатите два ставила приемен штембил од 23.09.2015 година, ги потпишала, но не ги заверила. Пријавената на овој начин придонела предлогот од страна на Судија да биде отфрлен како ненавремен, со што Б.М. бил оштетен за 40.000 евра или 2.460.000 денари за работен спор кој се водел од 2006 година.
