Иако веста е убава, за земја како Филипини тоа значи уште поголема криза и зголемување на сиромаштијата.
Филипини имаа еден од најстрогиот карантин поради коронавирусот, оружени војници патролираа по улиците, а само еден член од семејството смееше да излезе по намирници. За тоа време, стотици илјади жени немаа пристап до средства за контрацепција, што доведе до непланирана бременост ширум земјата.
Се проценува дека следната година ќе се родат дополнително 214.000 непланирани бебиња, прогнозираат од Институтот на Филипини. Овие деца ќе се родат во семејства кои се обрат да сврзат крај со крај.
Пандемијата не е единствената причина зошто Филипинците имаат криза со наталитетот. Сиромашните луѓе живеат во најнаселените области и често мора да јадат месо од отпад за да преживеат. Но, преголема популација и гужва има насекаде во земјата, од метеж во сообраќајот до преполни затворите, каде луѓето спијат како сардини во затворските ќелии.
Според експертите, дел од таа сиромаштија може директно да се поврзе со високиот наталитет во земјата. И сега земјата се подготвува за бејби-бум.
Филипини се втори во југоисточна Азија по најголем степен на тинејџерска бременост. Пандемијата би можела да доведе до раст од 20 проценти.
Во меѓувреме претседателот Родриго Дутерте е насочен кон насилно сузбивање на корисниците на дрога и дилерите.